مكالمة منتصف الليل بقلم عادل عيدالله

تبكي 
مش عارفة اعمل ايه يا نور .
في ايه يا جميلة اهدي بس وقوليلي مالك 
كلمت خيري تاني في موضوع الطلاق رفض تاني وقالي انه مش هيسبني ولا هيطلقني ابدا .
طيب معلش اهدي وكل مشكلة ولها حل .
اوعي تبعد عني يا نور مش عايزة ارجع لناصر تاني . انت الامل الوحيد ليا في الدنيا .
انا 
ايوه انت يا نور اللي هتخرجني من اللي انا فيه ده علشان ابقي انسانة كويسة .
خلي املك في الله .
طبعا ونعم بالله . بس انت اللي هتاخد بايدي وتساعدني .
حاضر . لكن بردو ربنا هو اللي هيساعدك .
نور انا بحبك .
نعم !!!
انا حبيتك من قبل ما اشوفك ولما شوفتك وشوفت الطيبة والشهامة والرجوله في عينيك وفي تصرفاتك حبيتك اكتر .
سكت نور شوية وقالها انا مش عارف اقولك ايه 
متقولش حاجة . انا عارفة كويس ان مفيش واحد زيك هيفكر في واحدة زي بس انا فعلا حبيتك . ومش عاوزة منك اي حاجة الا انك تقف جنبي لحد ما حياتي تتعدل وارجع ابقي انسانة كويسة تاني .
حاضر انا جنبك لو احتجتيني في اي وقت هتلقيني جنبك .
بعد مكالمة لولا لنور بدأ يكون جواه صراع كبير بين قلبه اللي حس بلولا وحبها وبين عقله اللي رافض حتي يفكر في انه يرتبط بيها في يوم من الايام .
ناصر حس ان لولا اتغيرت كتير من ناحيته بعد ظهور نور . وشك انها وقعت في حب
الثانية عشر
ناصر حس ان لولا اتغيرت كتير من ناحيته بعد ظهور نور . 
بعد اول لقاء بين لولا ونور واللي مشاعرهم اقتربت فيه من بعض بصورة كبيرة اصبحت مكالمات لولا ونور التليفونية باستمرار وكل يوم اكتر من مرة .
لدرجة ان نور اتعود علي وجود لولا في حياته وطلب يقابلها مرة تانية .
لولا وافقت وحددوا ميعاد للقاء .
لولا في الوقت ده اصبحت تائهة ما بين زوج قاسې تريد الانفصال عنه ولكن حب التملك عنده جعله يتمسك بها لاقصي درجة . وبين حب قديم لاول انسان تشعر معه بالحب والحنان ولكن الظروف حولته لانسان قاسې القلب . وبين حب جديد رأت فيه انسان مختلف اوقعته الظروف في طريقها لكي يكون الامل في انقاذها من حياة بائسة لتبدأ حياة جديدة طاهرة تختلف عن حياتها من قبل .
حدد نور ولولا ميعاد ومكان لقائهم وبخلاف المرة الاولي اهتم نور بشكله وهيئته وارتدي افضل ثيابه وتعطر ذاهبا للقاء من دق لها قلبه رغم رفض عقله .
وايضا ارتدت لولا افضل ثيابها وتعطرت بافضل العطور للقاء حب ولد في قلبها كبيرا قبل ان تراه عينيها هو النور و الامل الباقين في حياتها .
ولكن كان هناك شخصا اخر في نفس الوقت ينتظر هذا اللقاء بشغف 
ثم اتصل ناصر ..
ازيك يا لولا عامله ايه يا قلبي 
تمام الحمد لله كويسة .
وحشتيني اوي ونفسي اشوفك .
ما انا قولت ان صعب الايام دي 
يعني مش هينفع نتقابل قريب 
لا يا ناصر .واول ما ينفع هتلاقيني
الثالثة عشر
يعني مش هينفع نتقابل قريب 
لا يا ناصر .واول ما ينفع هتلاقيني بتصل بيك وبكلمك علشان اقولك .
انتي فين دلوقتي في اصوات كتير حولك زي ما تكوني في الشارع .
ايوه اصل انا رايحه ازور اخت خيري علشان في المستشفي .
اه .اخت خيري .ماشي يا لولا .كلك واجب يا قلبي .
وعملتي ايه مع نور 
لسه يا ناصر مفيش جديد .
ماشي يا لولا لما نشوف اخرتها .
بعد المكالمة عرفت لولا من خلال