حب التوأم كاملة

دي تؤمها ...تؤمها يا بابا انا ناقص ۏجع قلب ازاي هستحمل اعيش معاها.. انا صحيح عمري ماشوفتها بس شهيره الله يرحمها كانت تقولي انهم منسوخين من بعض ونزلت دموع وقال..انا لسه مش قادر انساها ووافقت انتجوز علشان ملاك بنتي لكن تؤمها..مش هقدر مش هقدر
ابوه اتنهد وقال..انا عارف ان المرحومه غاليه عليك ..وعارف انك حابب تريح ملاك مش اكتر بس يا ابني دي احسن واحده تاخد بالها من بنتك..دي اختها..وهتعامل البنت كأنها بنتها

ضحك بحزن وقال..انت بتقول ايه يا بابا..دي عايشه في بلاد بره مع مامتها طول عمرها يعني متشبهش شهيره في السلوك ولا الاخلاق..ومعتقدش تنفع تاخد بالها من البنت اصلا
ابوه اتنهد وقال ...مهما كانت يا سراج يا ابني دي برضو بنت اختها وهتبقى احن من اي حد عليها
سراج قال بحزن هيه جايه امتي
ابوه قال ...كمان شويه يعني عشر دقايق وروح جبها من المطار
سراج اتنهد وقال ماشي يا بابا انا هروح لانها في الاول وفي الاخر اخت مراتي الله يرحمها وهتبقى مناسبه لملاك زي ما انت قولت..بس انت لازم تفهمها انها هتبقى مربيه مش اكتر
سراج قال كده ومشي راح يجيبها من المطار 
ركب العربيه واخد نفسو بحزن وجات في بالو زكرى لمراتو كانت قاعده في حضنو وقالت بابتسامه..بعد انفصال بابا وماما انا فضلت هنا مع بابا وشمس راحت مع ماما المانيا...وماما عمرها ماقبلت تجبها هنا لو شوفتها هتتلغبط فينا شبهي بالملي
سراج قال..بس انا حبيبي ملوش زي ولا شبه..بس بجد غريب انكم مش بتتقابلو..ده حتى فرحك محضرتهوش
ابتسمت وقالت ..فرحي كان ڠصب عنها الكل جيه وحتى ماما بس هيه كان معاها امتحانات ومعرفتش تنزل..هو مش انت اټجننت وقتها وهبت في دماغك نتجوز وقت الامتحانات ده انا روحت الامتحان يوم صباحيتي حرام عليك 
شهيره قالت بحب ... ربنا ما يحرمني منك ابدا
نزلت دمعه من عينه لما افتكرها وقال...بس شاء يحرمني انا منك يا شهيره..اللهم لا اعتراض ومسح دموعه وطلع على المطار
كان قاعد مستني الطياره بملل وجات بنت في العشرينات وقربت منو وقالت...سراج مش كده
سراج اتجمد مكانو لما شافها وبصلها بزهول ومقدرش ينطق ووووو
٣٧ ٢٥٥ ص Alaa Hosny وقف وهو بيبصلها بزهول ووقعت دمعه على خده ڠصب عنو وهو شايفها قدامو كأنها هيه مش أختها نفس الملامح نفس العيون كل حاجه كانها اتنسخت منها مد ايده بتردد وسلم عليها وهو مش قادر يرد
شمس خدت بالها من حالتو واتنهدت وقالت...احم نمشي
سراج خد بالو انو ركذ فيها ذياده واتحرج شويه وقال...اه..اه طبعا اتفضلي
طلعو بعربيتو و على الطريق كان كل شويه يبصلها وهو بيحاول ميخلهاش تاخد بالها بس كان واضح جدا لهفتو عليها
شمس بصتلو وقالت بحزن...شهيره الله يرحمها حكتلي كتير عنك..انا مقدرتش احضر معاها اي مناسبه بسبب الدراسه والشغل
سراج اتنهد وقال بضيق ...الله يرحمها..كانت كل مره بتبقى نفسها تشوفك..انا عارف ان والدتك كانت تمنعك انك تيجي هنا بس على الاقل المفروض كنتي تبقى معاها في مرضها
شمس قالت بدموع..مقالتليش...مقالتش خالص..انا اتفاجأت بانها تعبت بعد ۏفاتها ...اصلا حتى ماما متعرفش اكيد لوكنا نعرف كنا هنقف معاها ..وكملت بدموع وقالت..اهلنا كانو بيبعدونا جدا عن بعض ماما بترفض اجي هنا و بابا كمان مانع والدتي انها تشوف شهيره ..زي ما يكونو اشترونا مش انجبونا..وكأننا ملناش اي رأي ...بالعافيه بابا وافق ان ماما تحضر فرح شهير ه بعد اصرار منها..بس حكاية مرضها دي لا هو ولا هيه قالولنا
سراج اتنهد وقال..على كلن ..انا انا كنت عارف انك..احم