رواية عادت للحياة كاملة
فتح الباب وقفله تاني بسرعة !!!!
لكن مين مين اللي معاه مفتاح شقتي مستحيل تكون تهيؤات أنا متأكد
يوسف بابا أنت بتكلم نفسك
يلتفت اليه إيهاب ثم يقول له لأ يا حبيبي ده انا بفكر بصوت عالي
يوسف وهوه اللي بيفكر بيتكلم يا بابا
إيهاب يبتسم طيب يلا يا لمض علشان ندخل ننام
سيف أنا مش عايز أنام دلوقتي عايز ألعب
علشان أصحي بدري واروح الشغل واجيبلكم حاجات حلوة كتير اوي
يدخل إيهاب غرفة النوم ومعه اطفاله الي الفراش ويبدو
________________________________________
لايهاب ان سيف ابنه لا يريد النوم
إيهاب شايف يا سيف يا حبيبي اخوك يوسف غمض عينيه ونام أزاي انا مبسوط منه وهجيبله شيكولاته وشيبي وحاجات كتير بكره
إيهاب شطوره يا حبيب بابا
مر بعض الوقت وبدأ النعاس يتسرب الي عين إيهاب
ولكن ابنه سيف مازال يحاول النوم ويفتح عينيه قليلا ثم يغمضها عدة مرات
وفجأة ېصرخ سيف ماما مامااا
إيهاب ينتبه ويسأله فيه ايه يا حبيبي
سيف ماما فتحت الباب وضحكت و مشيت
يقوم إيهاب بسرعة و يخرج من الغرفة
ينظر لوالده پخوف وصمت !!!
إيهاب طيب يلا نام غمض عينيك و نام
سيف يغمض عينيه وإيهاب كل حواسه متيقظة تماما و لا يستطيع أن ينام !!
يظهر صوت خطوات بخارج الغرفة !!!!
تتسع أعين إيهاب وينتبه بصورة أكبر ويبدو عليه الخۏف و التردد !!
صوت الخطوات تقترب حتي تقف خلف باب الغرفة مباشرة !!!
مازال إيهاب علي السرير ولكنه أعتدل جالسا
يقوم سريعا ويفتح باب الغرفة فلا يجد اي أحد أمامه !!!
يسمع إيهاب صوت ضحكات ابنه يوسف !!! يلتفت اليه فيجده نائما تماما ويجد ابنه سيف ايضا نائما !!!!!
يكاد عقله ان يطير مما يحدث !!
فجأة يسمع صوت زجاج النافذة يهتز بقوة !!!
ينظر إيهاب الي النافذة ويذهب اليها ويحكم اغلاقها بيده وفجأة يشعر بيد توضع علي كتفه !!!
يمسك إيهاب بهاتفهه و يظهر اسم صديقه مروان علي شاشة الهاتف ولكنه ينظر في الساعة فيجد الساعة اقتربت من منتصف الليل
يعود إيهاب ليضع هاتفهه مكانه ولا يتصل ثم يحاول ان يضئ مفتاح نور الغرفة ولكنه يجده لا يعمل !!!
يجري إيهاب الي السرير وينام عليه سريعا ويأخذ ابناؤه في احضانه ويغطي رأسه لينام !!
يفتح إيهاب
________________________________________
عينيه و ينظر في الهاتف ليجد الساعة ٧ صباحا
يتذكر إيهاب كل أحداث الليلة الماضية ولكنه لا يجزم ان كانت حقيقة او حلم !!
يكاد عقله ان يذهب معقول اللي بيحصلنا ده انا خلاص بقيت مش عارف الحقيقة من الاحلام !!!
يوقظ إيهاب ابناؤه ويقول لهم يلا يا يوسف يلا يا سيف اصحوا وغيروا هدومكم علشان هنفطر واوديكم عند تيتا تقعدوا هناك عندها لحد ما ارجع من الشغل
يوسف ليه يا بابا
إيهاب مش هسيبكم هنا لوحدكم تاني
يذهب ايهاب ومعه اولاده الي منزل جدتهم أم سحر
تفتح أم
سحر باب الشقة لتجد إيهاب ومعه يوسف وسيف فيبتسم ايهاب ويقول لها صباح الخير يا حماتي
أم سحر صباح النور يا إيهاب يا ابني تعالي اتفضل
إيهاب لأ معلش انا رايح الشغل ومستعجل كنت عايز اسيب الولاد عندك بس لحد ما ارجع من الشغل
أم سحر ماشي يابني اتوكل انت علي الله روح شغلك واطمن عليهم
ذهب ايهاب الي عمله متأخرا قليلا
دخل إيهاب المكتب فوجد مروان زميله يجلس فقال له انا عايزك تكلم خال مراتك ضروري
مروان ليه حصل حاجة تاني
إيهاب ايوه البارح كانت ليلة صعبة اوي
مروان ايه اللي حصل
إيهاب هقولك كل حاجة بس المهم كلمه ييجي النهاردة ضروري
مروان حاضر هتصل بيه كمان
شوية
في منتصف اليوم
مروان أنا كلمت خال مراتي وقالي انه النهارده مش فاضي وممكن يجيلك بكره
إيهاب ماشي بس المهم ميتأخرش عن كده لأني فعلا مش عارف اعيش في الشقة انا والعيال لدرجة اني خۏفت اسيبهم لوحدهم وديتهم عند جدتهم أم سحر قبل ما اجي الشغل
في نهاية اليوم عاد ايهاب الي منزل حماته ودق جرس الباب
فتحت ام سحر الباب فوجدت إيهاب أمامها
ام سحر اهلا وسهلا يا ابني تعالي اتفضل
إيهاب لأ معلش انا هاخد الولاد علشان راجع تعبان من الشغل
ام سحر طيب ادخل ارتاح من
السلم واحكيلي ايه اللي حصل
دخل إيهاب وجلس مع حماته وحولهم يوسف وسيف يلعبون وبدأ يحكي لها كل ما حدث معهم منذ ۏفاة
________________________________________
سحر وكانت ملامح أم سحر تزداد تعجب وخوف
الحلقة_الخامسة
ام سحر طيب ادخل ارتاح من السلم واحكيلي ايه اللي حصل
دخل إيهاب وجلس مع حماته وحولهم يوسف وسيف يلعبون وبدأ يحكي لها كل ما حدث معهم منذ ۏفاة سحر وكانت ملامح أم سحر تزداد تعجب وخوف كلما حكي لها أي موقف حتي أنتهي من كلامه
أم سحر وانت ناوي تعمل ايه
إيهاب انا كلمت واحد زميلي في الشغل بيقول ان خال مراته بيفهم في الحاجات
دي
أم سحر طيب علي ما الراجل ده يروح البيت ويشوف فيه اي ممكن تبات انت والولاد هنا
خرج أبو سحر من غرفته وقال مساء الخير يا إيهاب
إيهاب مساء النور يا عمي
أبو سحر انا سمعت كلامك كله وشايفك مكبر الموضوع شوية
إيهاب والله يا عمي لو شوفت اللي بيحصل هتصدقني حتي أسأل يوسف وسيف هما بيقولوا انهم شافو سحر !!!
يوسف أيوه يا بابا شوفنا ماما
أبو سحر طيب عموما شوف الشيخ اللي بتقول عليه ده بس المهم ميطلعش نصاب في الأخر وينصب عليك
إيهاب لأ يا عمي ده خال واحد صحبي بثق فيه جدا
أبو سحر انا بقولك برضو علشان تحذر وعموما سيب الولاد هنا علي ما اتحل مشكلتك وابقي تعالي بص عليهم وقت ما تحب
إيهاب حاضر يا عمي مش عايزك تقلق يوم ولا اتنين بالكتير احل المشكلة اللي في البيت واخد الولاد تاني عن اذنكم انا بقي همشي
وقبل ان ينصرف إيهاب قال لابناؤه مش عايز شقاوة وصوت عالي علشان جدو تعبان سامعين
يوسف حاضر يا بابا
إيهاب وانت يا سيف مش عايز شقاوة
سيف حاضر يا بابا
إيهاب قولولي بقي أنتوا شوفتوا ماما هنا النهاردة وجات تلعب معاكو
يوسف وسيف لأ يا بابا
إيهاب طيب انا همشي بقي عايزين حاجة قبل ما امشي
سيف عايز شيكولاته
ابهاب معلش النهاردة نسيت بكره هجيبلك معايا وانا جاي ليك ولأخوك
ينزل إيهاب وحده من عند أهل سحر ويذهب الي منزله وفي الشارع وقبل ان يصل للمنزل بعدة مترات يرفع بصره
________________________________________
لأعلي تجاه شقته فيري سحر واقفة في شرفة المنزل !!!!
يلتفت ثم يفتح عينيه عن اخرها و يعيد النظر للشرفة مرة أخري فيجد النافذة مغلقة تماما !!!!
يقف إيهاب في ذهول ويقول لأ دي اكيد تهيؤات !!!
اذا كنت لسه مش دخلت البيت وبدأت التهيؤات أومال لما تطلع فوق هيحصل ايه !!!
أروح أبات عند حد من أخواتي ولا اصحابي احسن
لا يا واد يا إيهاب انت هتخاف زي العيال الصغيرين ولا
ايه متضحكش حد عليك
ثم يدخل العمارة و يصعد إيهاب الي شقته في خوف و تردد !!
يدخل إيهاب شقته وينظر في كل ارجائها فلا يجد أي أحد ولا يلاحظ اي تغيير عن حالها الذي تركها عليه صباحا قبل النزول
يجلس إيهاب علي كنبة الانترية ويفتح التلفاز ويفكر في كيف سيقضي هذه الليلة وحده !!!
يجلس إيهاب كثيرا وفي يده هاتفهه المحمول ويظل يتنقل بين صفحات الانترنت ومواقع التواصل ليضيع وقت هذه الليلة الطويلة
يقوم إيهاب لأعداد بعض الطعام فيبدو عليه أنه يشعر بالجوع الشديد
يدخل إيهاب المطبخ ويفتح الثلاجة ويخرج بعض الطعام ويقف أمام البوتاجاز ويبدأ في تجهيزه وفجأة يسمع صوت سحر تنادي بصوت عالي إيهااااب !!!
يرتجف إيهاب وبنتفض خوفا !!! ويخرج خارج المطبخ ليجد سحر واقفة أمام باب الحمام وتنظر له وتضحك بصوت عالي مخيف !!! ويري شعرها مبعثر بشكل غريب !!! وعيونها حمراء جاحظة تنظر له !!!
إيهاب ايه ده انتي لسه عايشة
تنظر له سحر وتضحك ضحكة عالية وتمد يدها اليه و يمد إيهاب يده لها فتمسكه وتجذبه ناحية الحمام !!!!
يستيقظ إيهاب والعرق يملأ وجهه وقلبه نبضاته متسارعة وينظر للساعة مازالت العاشرة مساء !!!!
إيهاب الحمد لله انه حلم لأ ده مش حلم ده كابوس !!! دي المرة الوحيدة اللي أنا متأكد أنها حلم مش حقيقة
يشعر ايهاب بالجوع الشديد فيقوم ويدخل الي المطبخ و في الطريق ينظر الي باب الحمام ويتذكر
عندما رأي سحر تقف بشكلها المرعب في الحلم !!
ينتهي إيهاب من اعداد
الطعام ويخرج يتناول عشاؤه علي السفرة وحيدا ثم يجلس يشاهد التلفاز حتي يغلبه
________________________________________
النعاس
ظل طوال الليل قلقا لا تمر ساعة الا ويستيقظ علي اصوات صرخات عالية او خبطات مجهولة وحين يستيقظ لا يجد الا سكون تام يعم المكان من حوله !!!
استيقظ صباحا وقال الحمد لله ان الليلة عدت بعد العڈاب ده كله !! لكن هعمل ايه بعد كده
يذهب ايهاب الي عمله ويجد مروان جالس علي مكتبه
مروان عملت ايه البارح يا هوبا
إيهاب
كانت ليلة صعبة اوي
مروان حصل ايه
إيهاب الحقيقة حلمت حلم فظبع ده مش حلم ده كابوس وطول الليل اصحي من النوم علي أصوات صړيخ عالي وخبط في الشقة ده غير اصوات الكلاب والقطط االي طول الليل بسمعها
مروان ممكن تهيؤات علشان مشغول وتفكيرك كله خوف وقلق
إيهاب احتمال الله اعلم
مروان علي العموم النهاردة هجي أنا و خال مراتي الساعة ٨ بالليل علشان نشوف حل للموضوع ده
إيهاب ياريت يا صحبي وأنا هكون في انتظاركم
في المساء يجلس ايهاب في انتظار مروان و خال زوجته
يدق جرس الباب يذهب إيهاب ويفتح الباب يجد صديقه مروان ومعه رجل خمسيني ذو شعر ابيض ولحية خفيفة بيضاء
إيهاب يا اهلا وسهلا يا مرحب اتفضلوا اتفضلوا
يدخل مروان ويقول الأستاذ إيهاب صديقي وزميلي في الشغل الحاج محسن خال المدام بتاعتي
بعد التعارف يجلس مروان ومعه الحاج محسن في الريسبشن ويحضر إيهاب المشروبات المثلجة للضيوف
يبدأ إيهاب ويحكي ما حدث منذ ۏفاة زوجته وحتي اللحظة
