رواية حكاية سهر كاملة
حلوه
نظرت لهم أمنية .... خلاص ياشباب عادي أهو تغير وأخو نتبسط شوية
نظر حازم لمصطفي بتساؤل ليقول مصطفي .... خلاص هنروح وخلاص
حازم .... تمام ولو زهقنا نبقي نروح اي مكان تاني
وافقوا جميعهم علي هذا وحددوا اليوم ..
........................................
في شركة عز الدين ..
دلف لمكتبه ثم شاور له فهمي بأن يجلس فجلس صلاح ..
فهمي بجدية .. بص يا صلاح أنا قولت لهيثم وعنده سكرتيرة مشيت وكان عايز واحده فممكن بنت اخوك تيجي من بكره عشان تعمل إنترڤيوا ولو فيه قبول .. هنخلي أميرة السكرتيرة التانيه هي إللي تدربها
فهمي بإبتسامة .. إن شاء الله ..
.............................................
حل المساء ..
كانت سهر تقف في المطبخ تقوم بإحضار الغداء فجأة سمعت صوت طرقات الباب فخرجت من المطبخ وذهبت لكي تري من الطارق .. قامت بفتح الباب فوجدت عمها يقف أمامها
سهر بإبتسامة .... عمي إتفضل
نظر لها صلاح ببرود وبدن اي مقدمات ..
صلاح بجدية .... إعملي حسابك بكرة هتيجي معايا الشركه إللي بشتغل فيها عشان تعملي إنترڤيوا ولو إتقبلتي هتشتغلي سكرتيره إبن المدير
سهر .... ماشي يا عمي طب إتفضل إتغدي معانا أنا جهزت الأكل
صلاح .... لا لا أنا هطلع عشان اخد شاور وجاي هلكان ما تنسيش بقي جهزي نفسك
أماءت رأسها بإيجاب .. ليتركها ويصعد للأهلي بينما هي أغلقت الباب لتدلف للداخل .. فإقتربت من جدتها وجلست بجانبها بملامح شاردة .. فلاحظتها الجدة ..
الجدة رقية بتساؤل .... إيه يا بنت مالك ومين كان علي الباب
إنتبهت سهر لتنظر لها وهي تتنهد بعمق ..
ظهر الفرحة علي ملامح جدتها لتقول .... بجد !! الحمدلله إن شاء الله تتقبلي وهتبقي أحلي سكرتيرة
كانت سعيدة عندما رأت ملامح الفرحة ظهرت علي وجهها ولكن هي ..
سهر بحزن .... والله يا تيتا ما كنتش عايزه أشتغل عشانك قوليلي مين هياخد باله منك
تنهدت الجدة .... يا حبيبتي ماتخافيش وإنت في الشغل أكلم أم محمد تيجي وتشوف طلباتي أنا عايزاكي تشتغلي يا سهر عشان تعرفي تتعودي علي نفسك وتعرفي تتعاملي مع الناس طالما إنت محپوسه كده مش هتعرفي تعملي حاااجه وكمان حرام تركني شهادتك كده
الجدة رقية بإبتسامة .. إن شاء اللله يا حبيبتي يلا روحي بقي شوفي هتلبسي إيه بكرة
إبتسمت سهر بمرح ..
سهر .... لا إحنا نأكل الأول وبعدين أخدك وندخل الأوضة وإنت تنقيلي لبسي
لتبادلها الجدة الإبتسامة .... ماشي يا حبيبتي
لتذهب سهر للمطبخ وتقوم بإحضار الغداء بينما الجدة نظرت علي أثرها وأخذت تدعي لها ..
الجدة رقيه .... ياارب يا بنت يسراك حالك ويريح بالك وتتقبلي في الشغل
............................................
في منزل صلاح مختار ..
يجلسون يشاهدون التلفاز إلي أن قطعتهم نهي بتساؤل ..
نهي .. بابا هو حضرتك وافقت إن سهر تشتغل
نظر لها صلاح بتأفف ..
صلاح .... أيوه وبكرة هتيجي معايا الشركة عشان تعمل إنترڤيو
لتنظر له نهي بفرحه عارمة لا تصدق ما قاله والدها ..
نهي .... بجد !! طب كويس والله وأخيرا هتشتغل
نظرت سما لأختها بملل .. ثم وجهت نظرها نحو والدها ..
سما .... وهي يابا هتشتغل إيه !!
صلاح .... سكرتيرة إبن المدير
حلت الصدمة علي علي وجهه سما وكذلك والدتها .. بينما نهي كانت سعيدة بهذا الخبر ..
نهي بغل .... سكرتيرة إبن المدير مرة واحدة
ماجدة پحقد .... والله وعاشت بنت حورية تشتغل في شركة كبيرة لا وكمان سكرتيرة إبن المدير .. دايما البت دي محظوظة
صلاح بتأكيد .... أاااه العيلة دي علي طول دايما متيسرة معاهم
نظرت لهم نهي بضيق فهي لا تحب حديثهم بتاتا ..
فقررت أن تنزل لسهر وتجلس معها بدل هذا الجو .. لتنهض من مجلسها ..
نهي بتأفف .... طب أنا نازلة عند سهر شوية
نظرت لها نهي بضيق ..
سما .... هو كل يوم تنزلي ليها
نهي بتعجب .... وده يدايقك في إيه !!
ماجدة .... سيببها يا نهي ماهي خلاص ما بقتش تحب قعدتنا
تنهدت نهي بضيق ثم تركتهم وذهبت بينما سما وجهت حديثها لوالدها
سما بتوتر .... إحم بصراحه كده أنا عايزه أقولكم علي حاجة
نظر لها صلاح بتساؤل ..
صلاح .... خير قولي
سما بتسرع .... أنا عايزه أخرج مع صحابي بكرة وكنت عايزة فلوس
صلاح بحدة .... هو كل يوم خروج !! أنا مش موافق
سما برجاء .. عشان خاطري يا بابا بكرة بس
صلاح مستبعد تلك الفكرة .... قولت لا يعني لا .. شوفي بقي مذاكرتك وإهتمي بيها شويه أنا ما بشوفكيس بتذاكر خاالص السنة دي وربنا يستر لتشيليها
سالت دموعها علي وچنتيها بحزن .. فهي
سماء .... إنت كل شوية تقولي الكلام ده أنا زهق
كاد أن يجيبها ولكن قطعته زوجته وهي تنظر له بجدة .... خلاص يا سما أدخلي إوضتك دلوقتي وأنا هقنعه
مسحت دموعها وذهبت لغرفتها .. بينما تحدثت والدتها ..
ماجدة .... إيه إللي إنت قولته للبنت ده .. مش أنا قولتلك بلاش الكلام ده معاها
صلاح بصوت عال نسبيا .. إيه ياعني بقولها علي خيبتها .. هو كل شويه خروج خروج .. أنا مش عايزها تسقط السنادي وتعيد
ماجدة وهي ترفع صوتها غاضبة من حديثة .... وفيها إيه دي لسه صغيرة ماهي مش هتفضل محپوسة كده لازم تخرج مع صحبها
صلاح بتأفف .... إعملوا إللي تعملوه أنا زهقت خلاص
ليتركها ويذهب لغرفته بينما هي تنهدت وذهبت لغرفة سما ..
ماجدة بإبتسامة .... بطلي يا يا حبيبتي عياط ويلا جهزي نفسك وقولي لصحابك إنك هتخرجي معاهم بكره
لا تصدق سما ما قالته والدته لتتحه نحوها وهي تقول .... بجد يا ماما !!
ضحكت علي حديثها ماجدة .... أيوة يا حبيبت ماما أنا أقنعت بابا ووافق
إرتمت سما داخل أحضان والدتها بحب .. لتربت عليها بحنية ..
سما .... ربنا يخليكي ليا ياارب
أبعدتها عن أحضانها وهي تقول بإبتسامة .... ويخليكي ليا يا حبيبتي يلا روحي كلمي اصحابك وقوليلهم
سما .... ماشي يا ماما
لتتذكر ماجدة شى فقالت .... قوليلي صح معاكي فلوس ولا لا
أماءت سما رأسها بنفي فهي لا تمتلك نقود لتقول بخجل .... بصراحة لا
ماجدة .... خلاص بكرة قبل ماتنزلي عدي عليا وانا هديكي
سما .... تمام شكرا يا أحلي أم في الدنيا
ماجدة .... حبيبتي العفو .. يلا بقي أنا هروح هنام تصبحي علي خير
سما .... وإنت من أهل الخير
لتخرج والدتها بينما هي إتجهت نحو فراشها وجلست ثم جلبت هاتفها لتقوم بمهاتفته ..
سما بفرح .... مصطفي وافقوا
مصطفي .... بجد !! طب حلوووو أوي هنتجمع عند الجامعة
سما بتعجب .... هو إحنا مش هنحضر محاضرات
مصطفي .... لا مش لازم بكرة ياعني إحنا عايزين اليوم من أوله
سما بإقتناع .... تماام ماشي
مصطفي بتساؤل .... بقولك إيه
سما .... إيه !!
مصطفي بحب .... وحشتيني علي فكرة
سما بخجل .... وإنت كمان
وجلسوا يتحدثوا مع بعضهم في أمور عديدة
...........................................
في قصر عز الدين
كانوا يجلسون في المكتب ويتحدثون بخصوص العمل ..
هيثم وهو يقدم لجده بعض الأوراق .. ده يا جدي
الصفقة الجديدة أنا بصراحة درستها كويس وعجبتني
الجد عز الدين .. تمام طالما درستها يبقي نتوكل علي الله
فهمي بإبتسامة .... أنا بقول كده برضوا وربنا معااك
هيثم بجدية .... يااارب
لينظر له الجد وهو يقول بنبرة ذات مغزي .... إيه يا هيثم مش ناوي بقي تفرحنا ونشوف عيالك أنا مارضيتش أكلم قدام ماماتك عشان عارف إللي هيحصل
هيثم بسخرية .... لا ماهي كلمتني إمبارح في الموضوع برضوا
تنهد الجد .... يا بني أي أم عايزه تفرح بإبنها وتشوف عياله وإنت أهو مش ناقصاك حاجه راجل وعندك كل حاجه يعني مافيش حاجه ناقصه
هيثم بتأفف .... والله ياجدي أنا عايز افضل كده مش عايز اتجوز أنا عاجبني حياتي كده
علا صوت الجد نسبيا .... إيه إللي عجبك كده هااا قولي مش عشان تجربة عشتها يبقي كلة كده لا في الف واحده أحسن منها ولو دورت كويس
هتلاقي
قام فهمي ليهدأ والده .. هدي نفسك إنت يا بابا وإنت يا هيثم مش هنتكلم في الموضوع ده كتير .. حاول يا بني تنسي وتفرحنا بقي
تنهد هيثم بخفوت .. ماشي إن شاء الله عن إذنكم ورايا حاجات اعملها
ليتركهم ويرحل من أمامهم .. بينما الجد نظر لفهمي ..
الجد .... أنا مش عارف ليه عامل في نفسة كده ومش عايز ينسي
فهمي بأمل .... إن شاء الله ينسي وهنفرح بيه عن القريب
لينظر الجد للأمام بشرود وهو يقول .... يااارب
............................................
في منزل سهر ..
كانوا يجلسون جميعهم يتحدثون في هذا القرار الذي أخذه عمها ..
نهي بفرح .... أنا أول ما بابا قالي فرحت جداا وأخيرا هتشتغلي وتصحي بدري زي .. هتجربي المعاناه ٱللي عايشاها
ضحكت الجدة علي حديثها .. ههههه ليه بس تخوفيها يا نهي ما شوفتهاش قلبت إزاي
نهي بمرح .... أيوه يا تيتا لازم أقولها عشان تبقي عارفة
سهر بتذمر .... خلاص يا ختي عارفة ما تفكرنيش بقي نهي بتفكير .. قوليلي صح جهزتي الطقم اللي هتروحي بيه بكرة
هزت رأسها بتأكيد .... أه جهزته أنا وتيتا قوليلي بقي تشربي إيه اعملك قهوة فرنساوي معاياا
إبتسمت نهي .... إشطه مااشي
سهر بإبتسامة .. وإنت يا تيتا عايزه تشربي إيه
الجدة بنفي .. لا لا مش عايزه أشرب حاجه تاني ده اليانسون عمل عمايلة معايا وخلاني عايزه أنام وأفرد جسمي
سهر .... أيوه ما هو بيهدي تعالي هدخلك عشان ترتاحي
نهضت نهي من مجلسها وهي تقول لسهر .... لا روحي إنت إعملي القهوة وأنا أدخل تيتا
سهر .... ماشي ما تنسيش تديلها العلاج
نهي .... ما تخافيش أديهولها
لتقوم بإسناد جدتها ودلفت بها لغرفتها بينما ذهبت سهر لكي تحضر القهوة .. ساعدت نهي جدتها أن تتسطح علي الفراش وجلست معها تتحدث ..
الجدة .... بقولك يا نهي عايزه أجيب لبس لسهر عشان الشغل الجديد والمظهر
نهي بتأكيد .... أيوة فعلا .. خلاص أنا ممكن أبقي أخدها في يوم كده ونروح ننزل نجيب لبس
الجدة .... طب كويس
نهي وهي تقترب منها وتناولها الدواء .. إتفضلي بقي يا تيتا خدي الدواء
إعتدلت الجدة لتأخذ دوائها وقامت بشرب الماء .. وتسطحت مره أخري علي الفراش
نهي بإبتسامة .... كده تمام أخدنا الدواء أسيبك عشان ترتاحي بقي
الجدة بإبتسامة .... تمام يا حبيبتي يلا تصبحي علي خير
نهي بإبتسامة
.... وإنت من أهل الخير يا قمر
لتتركها وتذهب لسهر .. فوجدتها في الشرفة تقدمت نحوها ..
نهي بمرح .... الجميل سرحان في إيه
تنهدت سهر .... سرحانة في الشغل وكده خاايفة اووي
جلست نهي أمامها وأخذت تطمئنها ..
نهي .... يا حبيبتي ماتخافيش هو بس أول يوم كده وبعدها عادي وإن شاء الله تبقي قدها وتثبتلهم ده وهتبقي أحلي سكرتيرة
إبتسمت لها سهر بينما نظرت نهي للأمام بشرود فلاحظت سهر إنه يوجد شئ
سهر وهي تربت علي كتفيها بتساؤل .... مااالك يا نهي !
تنهدت نهي بعمق .. أنا مش عارفة أعمل إيه مع مازن نفس المشاكل
سهر بتعجب .... إيه إللي حصل تاني !!
نهي .... مامته بتدخل في كل حاجه وإنت طبعا عارفة ماما ما بتسيبش حقها وبرضوا بتدخل .. إحنا مش عايزين كده إحنا عايزين نبني حياتنا إحنا بنفسينا مش هما إللي يبنوها ولما بتكلم معاه علي مامته بيقولي برضوا مامتك نفس الكلام بجد أنا زهقت من الموضوع ده ومش عارفة اعمل ٱيه
سهر .... بصي يا نهي إتكلمي مع مامتك براحه وفهميها وهو برضوا يعمل كده وماتحوليش كل شوية تشكيله وفهميه براحه لان دي في الأول والأخر حياتكم وإنتوا المفروض إللي تبنوها وإن الله الأمور تتحل
نهي بإرتياح .... إن شاء الله أنا هعمل كده .. بجد بحب أتكلم معاكي جدا كلامك بيريحني والله
سهر بإبتسامة .... حبيبتي يا نونو يلا بقي إشربي القهوة زمانها بردت
ضحكت نهي وقاموا بتناول القهوة وجلسوا يتحدثون في أمور عديدة وفجأة نظرت نهي في الساعة وجدت الوقت قد تأخر كثيرا
نهي پصدمة .... يالهووي الوقت عدي بسرعه وإحنا ماحسناش بنفسينا
سهر .... أيوه والله إحنا لما بتقعد مع بعض بننسي نفسنا
نهي .... يلا هقوم أطلع بقي
سهر بإعتراض .... ليه ماتخليكي معايا أنا أصلا مش جايلي نوم
نهي بدهشة .... إنت نسيتي يا هانم
إنك عندك شغل بكرة ولازم تقومي بدري يلا كفاية كده عشان تلحقي تنامي كويس وأنا كمان عشان شغلي
وقد تذكرت سهر .... والله الواحد فعلا كان ناسي
نهي بضحك .... بكرة تتعودي
إبتسمت لها سهر وذهبت معها لكي تودعها بعد أن قفلت الباب إتجهت نحو غرفة جدتها لكي تراها ثم وضعت قبلة علي چبنيها وخرجت بهدوء لكي لا توقظها .. ذهبت لغرفتها ودثرت نفسها تحت الغطاء وأخذت تفكر كثيرا ماذا تفعل في الغد .. شعرت بالإرهاق من كثرة التفكير فذهبت في ثبات عميق ...
الفصل الثالث
في صباح يوم جديد الملئ بالمفاجأت ..
إستيقظت سهر في موعدها لتخرج من غرفتها وقامت بالصباح علي جدتها مثل كل يوم .. ثم دلفت المطبخ لكي تقوم بإحضار الفطار وبعد أن إنتهت إتجهت للخارج وهي تحمل الأطباق وتضعها علي المنضدة .. لتذهب لجدتها الجالسة وتقوم بإسندها ..
سهر بإبتسامة.... يالا يا قمر عشان الفطار
إبتسامة لها الجدة .. ثم تلاشت إبتسامتها فجأة عندما رأتها بالملابس البيتية ..
الجدة بتعجب.... إنت لسه مالبستيش !! كده هتتأخري كنت لبستي الأول وبعدين كنت حضرتي الفطار !!
سهر وهي ممسكه بها إلي أن وصلت ثم أجلستها كرسيها وهي تقول .... عادي يا تيتا أنا كده كده محضرة لبسي يعني هلبس علي طول .. إتفضلي بقي كلي عشان معاد الدواء
بعد أن أجلستها جلست هي الأخري لتناول الطعام وبعد أن إنتهوا جلبت لجدتها الدواء ثم أعطته لها .. وقامت بحمل الأطباق ودلفت بها للمطبخ وقامت بتنظيفهم .. وإنتهت من كل شئ لتدخل لغرفتها لكي ترتدي ملابسها ..
قامت بإرتداء بنطالا من الچينز كحلي وتيشرتا وفوقة بليزز كحلي ليعطيها مظهرا جذابا .. وقامت بوضع القليل من أدوات التجميل وقامت بعقده شعرها علي هيئة كعكه ثم نظرت لإنعكاس صورتها لتتأكد من هيئتها وبعد أن تأكدت كانت سوف تعمل شئ أخر ولاكن وجدت طرقات علي بابا المنزل لتسرع للخارج لتري من الطارق وما إن فتحت الباب وجدت عمها صلاح يقف أمامه .. لينظر لها بتساول ..
صلاح .... خلصتي ولا لسة
سهر بتلقائية .... ثواني بس ومش هتأخر
صلاح .... طب يلا بسرعة عشان ما نتأخرش جدتك صاحيه
أماءت رأسها بإيجاب ..
سهر .... أيوه صاحيه
ليدلف للداخل وهي خلفه وقام بتقبيل چبين والدته .. بينما ذهبت سهر لكي تكمل عما تفعله وما إن إنتهت خرجت بكامل هيئتها لتتفاجأ جدتها وتنظر لها بحب ..
الجدة رقية بإبتسامة ... الله أكبر عليكي يا بنت ماشاء الله عليكي بدر منور
إقتربت نحوها سهر وقبلت يديها بحب ..
سهر .... ربنا يخليكي ياا أحلي تيتا في الدنيا
صلاح بتأفف .... يلا بقي عشان إتأخرنا أنا هطلع أجهز العربية
نظرت الجدة لسهر ..
الجدة رقية .... يلا ياحبيبتي خلي بالك من نفسك وإن شاء الله ربنا يسرلك حاالك ويكون نصيبك هناك ياارب
سهر .... ربنا يخليكي يا تيتا ومايتحرمش منك أبداا .. يلا مع السلامة
الجدة رقية ... مع السلامة .. لا إله إلا الله
سهر بإبتسامة زينت ثغرها .... سيدنا محمد رسول الله
وتركتها ورحلت من أمامها وما إن وصلت خارج البناية وجدت عمها ينتظرها داخل السيارة لتتجه نحوها وقامت بفتح الباب ودلفت للداخل ثم أغلقته وقام عمها بتشغيل المحرك وسار بها للمكان المنشود ..
..............................................
في قصر عز الدين ..
يجلسون علي مائدة الطعام ليتناولون فطورهم في صمت .. إلي أن قطعه فهمي موجها حديثه لهيثم .. ااااه يا هيثم ما تنساش إنهاردة البنت جاية عشان تعمل الأنترڤيو
نظر له هيثم بتفهم ..
هيثم .... تمام يا بابا ما تقلقش
وبعد أن إنتهوا من تناول طعامهم نهض هيثم من مجلسة وهو يقول .... الحمدلله أنا رايح بقي الشركة
فهمي وهو ينهض أيضا .... أه خدني معاك أنا كمان
لينظر لهم الجد وهو يبتسم ..
الجد عزالدين .... طب ما تاخدوني معاكوا إنهاردة
عقد حاجبي فايز بدهشة ..
الجدة فايزة .... ليه ياحج إنت وراك شغل هناك ولا إيه
نظر لها بإيجاب ..
الجد عزالدين .... لا بس قولت أغير جو
هيثم بود .... تنور يا جدي
إبتسم له ..
الجد عزالدين .... ده نورك يا حبيبي
فهمي .... طيب يلا يا بابا
ليتحركوا جميعهم للخارج وركب فهمي والجد في سيارة .. وهيثم في سيارته ومعه السائق
الخاص به .. وساروا وخلفهم الكثير من الحراس ..
..................................................
في شركة عز الدين
وصلا كلا من سهر وعمها للشركة لتدلف خلف عمها بطلتها المبهجه وبملامحها المشرقة .. لتنظر للشركة بإعجاب بتصاميها الرائعه .. لتتفاجأ بهمسات بين الجميع فكان من ينظر لها بحب وإعجاب مم هيئتها ومن كان ينظر لها پحقد ولما لا فهي فتاه في غاية الجمال بتلك العينان التي تمتلكها .. فتح العم باب مكتبه ليدلف ثم دلفت وهي تغلق الباب خلفها وجلست علي أقرب كرسي .. لينظر لها صلاح ..
صلاح .. هتقعدي هنا لحد لما يجوا وبعدين هتروحي تعملي الأنترڤيو
أماءت رأسها بإيجاب ثم جلب عمها بعض الملفات لكي يتفحصهم .. فجأة قطعهم رنين هاتف ليرفع السماعة ويجيب .... أيوه يا فندم .. تمام ماشي
أغلق الهاتف فنظر لها وجدها تهز قدميها بتوتر ..
صلاح بسخرية .... ماالك كده خاېفة ليه إنت في شركة كبيرة ونضيفه ما كنتيش تحلمي تبقي فيها
نظرت له سهر بحزن فتابع حديثه وهو يقف ويتجه نحو الباب .... يلا عشان تعملي الأنترڤيو
قامت من مجلسها لتذهب خلفه .. وما إن وصلت تحدث
صلاح مع السكرتيرة ..
صلاح بترحيب .... إزيك يا مدام أميرة
لتنهض أميرة وهي تنظر بإبتسامة ..
أميرة بود .... الحمدلله إزاي حضرتك يا أستاذ صلاح
صلاح بإبتسامة .... الحمدلله هو أستاذ هيثم جوه
أميرة بجدية .... أيوه جوه وفي الإنتظار
أماء رأسه متفهما لينظر لسهر وهو موجها حديثه لأميرة .... تمام .. دي بنت أخوياا سهر
نظرت لها أميرة فإباسمت لها بحب .. ثم قامت بمصافحتها بود .... أهلا أهلا بالقمر والله الشركة نورت
سهر بإبتسامة جذابة .... أهلا بحضرتك الشركة منور بالي فيها
ليتدخل صلاح في الحديث .... طب أنا همشي بقي عشان عندي شغل وأميرة يا سهر هتفهمك كل حاجه
أماءت رأسها بتوتر ليتركهك ويرحل بينما أميرة نظرت لسهر بإعجاب وهي تقول .... ماشاء الله عليكي بجد ربنا يحفظك إنت جميله وعسولة خاالص
سهر بخجل .... ربنا يخليكي ياارب إنت الأحلي
أميرة بمرح .. قلبي بصي إنت هتدخلي دلوقتي عشان ما تتأخريش وإن شاء تتقبلي وتبقي معايا
سهر بحب .... إن شاء الله
أميرة وهي تتجه نحو بابا مكتب هيثم .... ثواني أبلغة
أماءت رأسها بإيجاب لتطرق أميرة الباب فأذن لها بالدلوف فدلفت وأخبرته ثم خرجت ..
أميرة بإبتسامة .... يلا يا قمري مستر هيثم مستنيكي
شعرت بالخۏف قليلا وضربات قلبها تسارعت فلاحظتها أميرة .. فحاولت أن تطمئنها فربتت علي يديها برفق ..
أميرة بمرح .... ماتخافيش والله مش هياكلك .. ربع ساعه بالكتير وتطلعي علي طول
إبتسمت علي حديثها لتشعر بالإطمئنان قليلا لتوجه نحو الباب وأخذت نفسا عميق ثم طرقت عليه بخفة فسمعت صوته وهو يؤذن لها .. فدلفت للداخل بخطوات متزنه ممسكة بملفها .. كان يجلس علي مكتبه فنظر لها ثم شاور لها أن تجلس .. فجلست بهدوء ..
هيثم برزانه .... ممكن توريلي الملف
مدت يديها نحوه لتعطيه ملفها فتفحص ملفها بدقة ..
هيثم بهدوء .. تمام يا أنسة سهر .. ممكن أعرف ما إشتغلتيش قبل كده ليه مع إنك جايبه إمتياز وأي حد كان هيقبلك
سهر بهدوء .... ظروف كانت مانعاني إن أشتغل
عقد حاحبيه بتعجب ..
هيثم .... تمام .. طيب إحنا هنحطك تحت التدريب لمدة شهر وإللي هتدربك مدام أميرة هتفهمك كل حاجة ولو حابة تبدأي من إنهاردة أنا ماعنديش مانع
شعرت بالسعادة .. فإبتسمت له ..
سهر .... تمام يافندم شكرا لحضرتك
أماء برأسه ثم أعطها ملفها ..
هيثم هو يشاور لها .... تقدري تتفضلي دلوقتي
أخذت ملفها وقامت وإتجهت نحو الباب لكي تذهب للخارج .. وما إن خرجت وأغلقت الباب خلفها وجدت أميرة أمامها ..
أميرة بمرح .... يلا بقي عشان أعلمك يا قمر
تعجبت سهر من حديثها كيف علمت إنها قبلت بالوظيفة ..
سهر .... وإنت عرفتي إزاي إني إتقبلت !!!
أميرة بثقة .... يا بنت باينه خاالص عشان مستر هيثم عمره ما يقعد بسكرتيرة واحده لازم إتنين
تفهمت سير الأمر لتقول .... أه فهمت
إبتسمت لها أميرة ..
أميرة .... بصي بقي قبل اي حاجه إحنا هتبقي أصحاب تمام يلا بقي نتعرف من أول وجديد
سهر بضحكه جانبية وهي تصافحها .. ههههه تمام أنا إسمي سهر عندي ٢٢سنه وعايشة مع جدتي
وعمي
أميرة بضحك وهي تمد لها لكي تصافحها أيضا .. وأنا أميرة عندي ٢٧ سنه ومتجوزة وجوزي شغال معايا هنا في الشركة وعندي ولد وبنت
سهر بحب .... ربنا يخليهوملك
أميرة .... ويخليكي يا قمر تعالي بقي أعلمك شوية حاجات وبعدها نبقي نقعد
