لحظة ضعف
لحظة ضعف
قلبك
الدكتور
هو حضرتك فعلا فرحان سبحان الله اصل انا بشوف كده ان كل اللي بيجي مع المدام بتاعته ويعرف ان المدام بتاعتة حامل في بنوتة بلاقي وشه قلب ويزعل وبيسبها ويمشي وانا بقيت واخدها قاعده اني لو شوفت بنوتة ماقولش على النوع انما حضرتك دلوقتي كسرت القاعده دي النهارده بالفرحة اللي شوفتها في عيونك
فوزي
وازعل ليه بس يادكتور ما انا ربنا كرمني بولد الحمد لله
ازاى هي مش مدام رقيه ده اول حمل ليها
فوزي
ايوه يادكتور انا اقصد من المدام التانيه
الدكتور
تمام ودلوقتي يامدام رقيه تفضلي زي ماحنا متفقين على انك ترتاحي ومش تعملي اي مجهود
رقيه
حاضر يادكتور انا ماشية على التعليمات بالظبط الحمد لله
ومشيو من عند الدكتور ورقيه قالت لفوزي
انت بجد يافوزي فرحان اني هجيب لك بنت
طبعا ياقلبي انا فرحان اوي يا رقيه متتصوريش فرحتي اد ايه ويا سلام بقا لو طلعت بنوتة شبهك كده ياااه ده انا هاكون في قمة السعادة ده انا هدلعها دلع بس هي تيجي بالسلامة بس
رقيه
ربنا يخليك لينا ياحبيبي ويبعد عننا مكر سماح مراتك اصل بصراحة مش عارفة هي ممكن تكون بتفكر في ايه ولا ممكن تكون عايزة تعمل فيا ايه
سماح غلبانة يارقية متحطيش في دماغك انها ممكن تكون بتفكر تأذيكي دي هي طول عمرها بوق على الفاضي بس
رقيه
ربنا يسترها ياحبيبي بقولك ايه انا جعانة ومفيش اكل في البيت وعايزة اكل بيتزا
فوزي
بس كده من عيوني ياحبيبتي احلى بيتزا تيجي حالا عشان خاطرك انتي وبنتي حبيبتى اه صحيح هنسميها ايه
الاسم اللي انت عايزة ياحبيبي اختار انت الاسم وانا أوافق عليه علطول
فوزي
امممم ايه رايك نسميها على اسم المرحومة امي هاا
رقيه
المرحومه امك بس يافوزي هسمي بنتي فتحيه حرام عليك والله
فوزي
هههههههههه وماله بقا اسم امي مش فاهم
رقيه
طيبة بزمتك انت يرضيك ان بنتك يبقا اسمها فتحيه انا عن نفسي ميرضنيش
فوزي
لا الصراحة ميرضنيش فعلا ايه فتحيه ده الله يرحمك يا ما
الله يرحمها اكيد كانت ست طيبه يافوزي ماهي اللي تجيب واحد حنين زيك اكيد تبقى طيبة
فوزي
الله يرحمها بس تصوري مكانتش بتحب سماح كانت دايما بحس انها بتكرهها
رقيه
بصراحة سماح دي لا تطاق مش عارفه احنا كنا أصحاب ازاى
فوزي
خلاص كفاية كلام ويلا نرجع البيت
وعدت شهور على حمل رقية وبقت في التامن وراحت لها سماح وقالت
رقيه
جرا ايه ياسماح انتي جايه تزوريني ولا جاية تقطميني بكلامك
سماح
لا ياختي ولا ده ولا ده انا بس جايه اطمن هتولدي امتى عشان ابقي اجيلك في السبوع واعمل الواجب مش صاحبتي برضو
رقيه
انا لسه فاضلي اسبوعين بالظبط واولد ان شاء الله ياسماح ولو حبيتي تيجي تنوري ياحبيبتي
سماح
ااه وان شاء الله بقا ياحبيبتي هتجيبي ايه ولد ولا بنت
رقيه
هجيب بنوتة زي القمر ان شاء الله ياحبيبتي
سماح
امممم ياعيني يافوزي هتخلف بنت الله يكون في عونك
رقيه
وبتقولي كده ليه ده فوزي من ساعت ماعرف وهو طاير من الفرحة ونفسو يشوفها النهارده قبل بكرة
سماح
انتي كدابه عشان فوزي لما كنت حامل في ادم قالي لو جات بنت هطلقك عشان امه الله يحكمها مطرح مراحت كانت عايزة ولد
رقيه
لااا ده دلوقتي اتغير خالص ونفسه في البنت اوي وفرحان جامد
سماح اتصعبت وقامت وقفت وقالت
طيب ياختي تتربى في عزه وعزك انا ماشية لحسن المراره اتفقعت وسبتها ومشيت
رقيه قالت اعيش وافرقع مرارتك ياسماح
وعدت الايام وجه يوم السبوع ورقيه قالت لفوزي
هو انت صحيح ناوي
تعمل سبوع يافوزي
فوزي
هو انا هعمل سبوع بس ده انا
