حوريتي الغاضبة
اتصلت بشخص وقالت عايزاك في موضوع مهم جدا بس مش انهارده اسبوع كده وتسافر الفيوم هتجيب لي طفل من هناك ايوه هتخطفه
عند حوريه عدوا عليها كام يوم حلوين اوي وهي شايفه هشام بيتعب جدا في الارض ومصر يكمل علشانها ..كانت بتروح تودي له الاكل ويقعدوا يتكلموا سوا
هشام كان شايل مازن وبيلعبوا وقال...حوريه تعالي خديه علشان هكمل التقطيع
هشام ابتسم وقال حلو قوي الجو هنا جميل..الأجمل انك مبسوطه ..يعني بعد ما ربنا يكرمنا ونصتلح نبقى نيجي هنا شويه او حتى نفضل هنا على طول
حوريه ضحكت وقالت معقوله ابن السيوفي هيعرف يعيش هنا
هشام مسك ايدها وقال ابن السيوفي هيبقى مبسوط في اي مكان تكوني انتي مبسوطه فيه
لسه هتمشي شدها عليه وقال هو احنا لسه هنصتلح مش انا قلتلك قبل كده عينيكي عمرها ما كدبت عليا
حوريه ابتسمت وهيه بين ايديه وقالت ةعينيا قالت لك ايه بقى
هشام ابتسم وهو بيبصلها بعشق وقال... قالت الي لسانك مش قادر يقول قالت حالي من حال عينيك عشقانه ودايبه فيك
حوريه ابتسمت وقالت.. يا سلام شاعر حضرتك
حوربه ابتسمت ودفعته بخفه وقالت لسه بدري عليك يا باشا ..اشتغل اشتغل ربنا يعينك
قالت كده وطلعت على البيت وهو فضل باصص لطفها بابتسامه وبقى يكمل شغله
بالليل حضرت العشا وكانت مستنياه زي العاده يطلع يتعشى بس ما طلعش بصت لجدها وقالت غريبه يعني هشام من ساعه ما دخل في العصر وهو ما طلعش ثاني ابدا مش من عوايده
حوريه قعدت وقالت..وانا مالي ان شاء الله عنه ما اكل بس مفيش دقايق و قالت....احم بس مش هينفع برده حرام يمكن جعان انا هقول له واجي على طول
راحت وقعت تخبط على باب الاوضه بس ما حدش فتح كان الباب مش مقفول كويس فتحته شويه وقالت هشام العشا جاهز ..بس بردو ما ردش عليها لسه هتمشي سمعت صوت تمتمه غريب في الاوضه بتبص لقيته نايم على السرير وبيرتجف جامد وبيهلوس بكلام مش مفهوم
طلعت جري عند جدها وقالت له يجيب دكتور ورجعت ثاني لهشام وبقت تغطيه علشان يهدى شويه بس كان تعبان جدا
بعد شويه جيه الدكتور وكشف عليه وقال انه اخذ ضربه شمس شديده وادالو حقنه و كتب له على شويه ادويه ومشي
هشام كان ابتدى يفوق من الحقنه اللي اخدها من الدكتور بصلها بتوهان وقال انا بردان قوي قوي يا حوريه
حوريه جريت وحطت عليه غطاء تاني وقالت طب ودلوقتي كويس يا حبيبي
هشام بصلها وابتسم وقال ..هو ما ينفعش تقولي لي يا حبيبي غير وانا تعبان كده
حوريه ابتسمت بدموع وقالت انت في ايه ولا في ايه يا هشام..و لسه هتمشي مسك ايدها وشدها عليه وقال بردان قوي يا حوريه
حوريه قالت بدموع..مش هينفع تتغطى اكتر من كده استحمل شويه يا هشام
هشام شدها عليها وقال وهو
