البنات الطف الكائنات كاملة
لها ويحفظه إنما العيب ولو إن ده مش عيب من كروموسومات الراجل
بمعني كروموسومات الراجل بتحتوي علي الكروموسومات yx أي يحتوي ذكر وأنثي أما الست مبتتغيرش خالص دايما وأنتي ست علي قدر بسيط من العلم وبتتفرجي علي برامج كتير وبتشوفي كتير وهوضحهالك أكتر إذا كان الحيوان المنوي الملقح لبويضه الست يحمل الكرموسوم كان المولود انثي وإذا كان الحيوان المنوي الملقح لبويضه الست يحمل الكرموسوم كان المولود ذكر و كروموسومات الراجل بتتغير عادي مره تبقي ومره تبقي أما الست مبتتغيرش خالص دايما فهمتي ياامي
وكمل بذكاء علشان يحنن قلبها
_وبناتي دول وأنتي كبيرة ياامي هيشلوكي ويخلوكي في عنيهم علشان أنا مربيهم علي صلة الرحم
امه خدت نفس طويل وقالت له بحنية
_والله يابني دول نور عنيا وروحي وأعز عندي من ولدي بس كان نفسي في اخ ليهم يسلمهم يوم فرحهم لعريسهم يكون سند وعون معاك بس يالا الخيرة فيما اختاره الله وربنا يخليهم لك واشوفهم عرايس قد الدنيا وافرح بيهم يارب ويخليك ليهم يارب
_____________________________
في شقة اخو محمد پيتخانق هو ومراته وصوتهم جايب البيت كله
سمير بزعيق وصوت عالي لمراته
_ إنتي هتبطلي إهمال في ولادك امته ياهانم
وأنتي مواركيش ولا شغلة ولا مشغلة مش فاضية غير تقعدي مع دي شوية ومع دي شوية وسايبة ولادك الاتنين واحد بينجح بالعافية والتاني طالع بملحقين
بصت له ببرود وكأنه مبيقلش حاجة أصلا وردت عليه باستفزاز
_ يعني إللي اتعلموا خدوا إيه من العلام يعني ماهو نصهم متلقحين علي القهاوي والنص التاني شغال أي شغلانه والسلام مش كل شويه تقعد تعلي صوتك وتسمع بينا الناس وتقرفنا إللي يتعلم يتعلم وإللي ميتعلمش عنه ماتعلم .
إللي أبعد ما تكون عن الأمومة ست كل حياتها تافهة وهايفة ومورهاش حاجة غير إنها تجيب له المشاكل في حياته
والولدين مهملة فيهم علي الآخر في أكلهم وشربهم وتعليمهم وطالعين فاشلين في كل حاجة
قعد يفكر مع نفسه إزاي أصلا اتجوز واحدة زي دي ولا تنفع زوجة ولا تنفع أم ولا تنفع حاجة خالص
وراح قايم من مكانه وراح كمل قعاده علي القهوة علشان يخلص من وشها العكر إللي بيطفشه من البيت
وبعد ساعتين رجع البيت ودخل كانت نامت
نده عليهم علشان يطلعوا مردوش عليه ولا كأنه بينادي أصلا
ضړب كف علي كف وقعد يرزع في البيبان من شدة غضبه وراح عليها وفتح باب الأوضة بعصبية وزعيق وقال لها
_ الهانم إللي نايمة ولا في دماغها ولادها إللي صايعين في الشوارع وجايبين ملاحق كمان
وراح شادد من عليها الغطا بعصبية وكمل كلامه بصوت عالي يسمع الفوقاني والتحتاني وكل من هب ودب سمع بيهم زي كل شوية لحد مالناس زهقت وملت منهم وقال لها بقرف
_ أنا زهقت منك ومن عشتك إللي تقرف فالحة بس كل شوية تنكدي علي سلفتك وتعايريها بخلف البنات وتقولي لها أنا أم الصبايا
واللي مخلفتش الواد ضهرها متعري
روحي ياأم الصبيان الفاشلين إللي زيك شوفي بناتها الاتنين واحدة طلعت الاولي علي الجمهورية في الشهادة الإعدادية والتانية طلعت الأولي في الشهادة الابتدائية
الله أكبر عليهم مربياهم أخلاق وأدب واحترام أما إنتي كاسفاني قدام امي وأبويا واخوتي بتربيتك إللي لاتسر عدوا ولاحبيب
وراح ضارب كف علي كف بغيظ وبيتلفت براسه يمين وشمال وراح مكمل الموشح بتاع كل يوم وهيا في الغيبوبة
وقال لها بأمر
_ قومي ياست هانم علشان ننزل نبارك لأم البنات مش دايما تنادي لها كده علشان ټحرقي ډمها
بس هيا متربية وبتفتخر دايما ببناتها في كل حتة وبأدبهم
